Lawngtlai, July 29, 2022 : Nimin khan Pu VL Hmuaka, LADC Chairman kaihhruaina LADC Monsoon Session ni hnihna neih chhunzawm a ni.
Zawhna leh chhanna hunah South Lungpher bialtu MDC Pu C. Lalmuanthanga zawhna chhang, LAD changtu EM Pu C. Rongura chuan LADC area chhungah kum 2021-2022 chungin VC suspend khaw 15 an awm thu a sawi a. Heng zing atang hian khawm 8 te chu suspend an nihna atangin phelh tawh an ni a, khaw 5 suspend mek niin, khaw 2; Laitlang leh Hmawngbuchhuahte chu dissoved a ni. Hemi kum chhung hian VC meber 3 boral an awm a, VC member post ruak leh VC dissolved khaw 2 te chungchang hi State Election Commission-ah report tawh niin, bye-election hun pawh an thuchhuak nghah mek a ni a ti.
Education Department (PS) changtu EM Pu L. Daniela chuan Chandmary bialtu MDC Dr. Lorrain Lalpekliana Chinzah zawhna chhangin, Education Department hnuaia zirtirtu lakna tura adverstisement tihchhuah chungchangah dan kalhna a awm lo a ti a. ‘Advertisement-ah mi thenkhat ten anmahni dikna rahbehsak a an ingaih avangin court-ah an kal a, court thubuai kal lai mek a nih avangin hemi chungchang hi House-ah sawi zui zel a rem lovin ka hria’ a ti.
South Lungpher bialtu MDC Pu C. Lalmuanthanga chuan LADC regular staff emaw, OT teacher emaw UPS teacher emaw private school-a attached an awm tih a hriat thu a sawiin, an thawhna private school a sawi chhuak bawk. Hei hi a changtu EM Pu L. Daniela chua a hriat loh thu a sawi.
Hemi chungchangah hian CEM Pu V. Zirsanga chuan thintlang lamah zirtirtu kan in post teuh thei lova, khawtlang tana hmasawnna leh a that zawkna tur a nih chuan tiin Executive remtihnain kan in ruai a ni a ti a, thuneitu kan nihna zawn atangin remchanna kan la a ni a ti.
Education (MS) changtu EM Andrew Laltlanzara chuan Dr. Lorrain Lalpekliana Chinzah zawhna chhangin, Chandmary English Comphrehensive School building-a class room indailohna avanga zirlai ten school an inkalchhawk chu sorkarin a hriatpui thu a sawi a. Hemi chungchang hian EM chuan LADC sorkar leh a changtu department chuan Chandmary English Comphrehensive School building-a class room indailohna chu pawi a tih thu a sawi a. Kum 2020-2021 financial year-ah school building repair fund atangin zirtirtute hnenah Rs. 150,000 hmangin additional class room sak an zuam leh zuam loh zawh an ni tih a sawi a, pawisa hian a daih lova an ngaih avangin sak a ni ta lo a ti. Hemi chungchanga harsatna awm sukiang tur hian department-in hma a la chhun zawm zel a, NLCPR scheme mai bakah PM-JVK katlangin concept paper ziakin, thehluh a ni a, a hlawhtlin ngei theih nan theihtawpin hma kan la mek a ni a ti.
11th LADC Monsoon Session 2022 ah hian MDC hlui boralte, Pu F. Hranglura leh Pu V. Lungmuana te suuna neih a ni a. Starred question 9 leh Unstarred 2 te chhan kim vek a ni a,
Post a Comment