Rauthla, July 07, 2022 : July 18, 2022 a India President thlanna neih tura National Democratic Alliance (NDA) India Presidential Candidate Draupadi Murmu chuan vawiin chaawhma lam khan Lengpui alo thleng a. MNF party MLA leh BJP MLA te nen inkawm hona hun an hmang. 

NDA Presidential Candidate Draupadi Murmu hi Lengpui Airpot ah Special Flight in a rawn tum a, hetah hian Chief Minister, Information Minister leh Law Minister ten an lo hmuak. Hemi hnu hian Aijal club ah chawhma dar 11:30 ah MLA te nen inkhawm hona hun hmangin, BJP Mizoram President Vanlalhmuakan inlawmna thusawiin, BJP National Spokeperson Sambit Patra in thusawina a nei a, a ni bakah hian Union Minister Sabananda Sonowal in thusawina hun a hmang bawk. 

Hemi hnu hian Chief Minister Zoramthanga an thusawina hun neiin, NDA Presidential Candidate Draupadi Murmu-in thusawina hun hmang. Assembly Speaker Lalrinliana Sailo in lawmthu sawina neiin, hemi hnu hian Draupadi Murmu hian chhun chaw a ei a, chawhnu dar 2:25 ah Mizoram a chhuahsan leh a ni.

NDA Presidential Candidate Smt. Droupadi Murmu hian Mizoram Governor Dr. Hari Babu Kambhampati chu a chenna in Raj Bhawan ah a tlawh a, inkawmna hun tawite an nei a. Smt. Murmu chuan Larsap hi Mizoram chanchin te zawtin Mizoram chu hmun nuam tak nia hmuh thu a sawi. Presidential Candidate hi Union Minister for Ports, Shipping & Waterways leh AYUSH Shri Sarbananda Sonowal; I & PR Minister Pu Lalruatkima; Assam Minister for Housing & Urban Affairs and Irrigation Shri Ashok Singhal; BJP MP Dr. Rajdeep Roy leh BJP National Spokesperson Dr. Sambhit Patra ten an tawiawm a ni.

India President ni mai tura mi tam tak rin Draupadi Murmu hi Santali Tribal chhungkuaah kum 1958 khan Odhisa-ah a lo piang a. Politic a luh hmain Shri Aurobindo Integral Education and Research Institute, Rairangpur-ah assistant professor hna a thawk a, Odhisa sorkar hnuaiah Junior Assistant hna a thawk bawk.

Kum 1997 khan BJP zawmin, Rairangpur Nagar Panchayat Councillor atan thlan niin, Odhisa a BJP leh Biju Janata Dal sorkar intawmah tum hnih Minister a ni a, Kum 2007 khan Odhisa a MLA tha berah thlan a ni bawk.

May 18, 2017 khan Jharkhand Governor atan lakluh a ni a, he hna hi July 12, 2021 thleng khan a thawk a. June 2022 khan BJP leh a thawhpui NDA chuan India President thlanna lo awm tur atan an official candidate atan an ruat a ni.

Post a Comment

Powered by Blogger.