Lawngtlai, July 26, 2022 : Lawngtlai District MJA Vice President Pu Elvis Lalthangzuala chuan ribbon chepchat in Airtel Xstream Fiber (wifi) chu Lawngtlai khawpui a connection pek chhuah a nih theihna turin a hawng.
Lawngtlai District MJA Vice President Pu Elvis Lalthangzuala chuan Lawngtlai khawpuiah Service provider hrang hrang an lo lut a, hengte hian internet-ah kan duhthusam ram min thlenpui tak tak lo niin a lang a. Khawpui chhunga cheng te'n kan duhkhawp lohna kan sawi nasa hle thin a. Tunah Airtel Xstream Fiber (wifi) connection pek chhuah a ni tan leh dawn a, hei hian mipuite'n internet chak leh tha kan mamawhna chu min phuruk ngei a beisei thu a sawi a. Chanchinbumite hi internet hmang nasa leh hmang tangkai ber kan ni a, internet service a that tawk loh chuan News lakkhawm leh thawn chhuah chungchangah pawh harsatna namen lo kan tawk thin a, hetianga Airtel Xstream Fiber tha leh chak a awm chuan kan harsatna tam tak min sutkian sak ngei ka beisei ani, a ti bawk
Service provider hrang hrangte hian mipuite tana hnathawktu kan ni tih hi kan hriat reng a tha a. Internet kan khawihna sum kan sen zat te ngaihtuah chuan, service kan hmu tha lo hle a. Chuvangin, hnathawktute pawhin mipuite tan rawngbawltu kan ni tih thinglung pu a, thahnemngai taka thawk turin a ngen bawk a ni.
Pu Elvis Lalthangzuala chuan,Internet khawvela khawsa mek kan nih tawh avangin, Thalai, nu leh Pa thlengin Internet awihtlei ngai kan nihna leh Internet Service duh ang kan hmuh lohna hian Customer Service thlengin, rintlak, rin ngam, innghahna tlak Internet hi kan duh a ni, a ti a. Lawngtlai Mipui ten Internet chak tak an hman theihna turin Ribbon a chepchat a, Airtel Xstream Cake, Special taka siam chu a zai nghal bawk.
He hun hi Pu J. Vanlalhminga, Manager, SkyNet Cable, Lawngtlai chuan kaihruaiin, Pu David Lalmuanpuia, Business Development Manager, Airtel Xstream chuan Airtel Xstream chungchang sawifiahna neiin, tun tuma Internet an pek chhuahtur hi 300Mbps a chak tur anih thu sawiin, a pawt duh tan Rs. 3000 pekin, thla ruk chhung pawisa chawi ngai tawh lo a hman thgeih ani tur thu te, thla khata Rs 500/- Monthly Fee atanga in tanin, harsatna lian tak an neih chu Tower bunna turanin, Internet thlunzawmtu Router chu a thlawn veka pek an nih tur thu a sawi bawk. Pu David-a chuan tuna harsatna lian tak an tawh sawilangin, Tower bunna tur hmunhma an hmuh theih mai loh avanga duh anga Connection pek a chak theih dawn loh thu a sawi a, mipui mamawhna hriaa Tower bunna tura ram ruak hman phal awm thei se a duh thu a sawi bawk.
Pu Priyo Jyoti Chakma, Territory Manager, Airtel Xstream chuan Internet man tu ber Tower leh Cancer natna sawi zawm an awm nia an hriat thu sawilangin, hei hi thu awmze neilo, in sawi thaihna mai mai anih thu a sawilang a. Tower bunna bul hnaia awm lo Cancer natna tawk mi tam tak an awm thu sawilangin, hei hian Tower nen in zawmna engmah a neih loh thu a sawi bawk.
He hunah hian kalkhawmte atangin zawhna leh chhanna hun hman niin, Pi Lalremmawii Chhangte, Distributor, Lawngtlai chuan lawmthu sawiin hun a khar ani.
Post a Comment