Lawngtlai, July 20, 2022 : Lawngtlai District chhunga Sports Association hrang hrang kalkhawmte chuan Mizoram State Sports Council in District Sports Committee kalphung thar hman tur June 8, 2022 a Gazetted a a tihchhuah, The Mizoram Sports Council (Formation & Functioning of District Sports Committee) Regulation chu tha an tih loh thu leh dan hman lai anga kal tha an tih thute leh District dangte nena a ruala kal nise tiin thutlukna an siam.
Vawiina SYS Department Office, LADC a Lawngtlai District chhunga Sports Association hruaitute kalkhawm hian District Sport Committee kalphung thar sorkarin a duan chu zahawm an tih rualin, sorkarin ruahmanna siam tha leh se an ti a. Lawngtlai District hmangaih leh Sports lama tui mi ngeiin Lawngtlai District Sports Committee hi kaihhruai se an ti.
He joint meeting-ah hian DSC kalphung thar tur duan a nih laia District hrang hrang DSC hruaitu ten DSC kalphung tur chungchang MSSC President Sports Minister hnena rawtna leh ngenna an thlen chungchangte pawh sawi lan a ni.
Lawngtlai District Sports Committee hnuaiah hian Affiliated Disciplines 14 a awm mek a, vawiina meeting neihah hian Discipline hrang hrang hruaitute an kalkim a ni.
The Mizoram Sports Council (Formation and Functioning of District Sports Committee) Regulation 2022 ang hian District zawng zawngah District Sports Committee Deputy Commissioner te Chairman-na hnuaiah kalpui a ni tawh dawn a. Tuna DSC lo din tawh leh awm mek te pawh thiah a, dan thar anga inruat/inthlan thar a a ni ang.
Post a Comment