Rauthla, July 19, 2022 : Nimin khan Sports & Youth Services changtu Minister Pu Robert Romawia Royte hovin District Sports Committee chungchang sawihona Online meeting, Google Meet hmanga neih a ni a, thil pawimawh hrang hrang te rel a nih bakah, regulation thar, The Mizoram Sports Council (Formation and Functioning of District Sports Committee) Regulation 2022 hmanga District Sports Committee kalpui dan turte pawh sawiho a ni.

Meeting ah hian Centrally Sponsored Scheme hrang hrang, PMJVK te, Khelo India Scheme te leh a dangte hmanga Mizorama Sports infrastructure-in hma a sawn dan te leh District tam zawkin PMJVK scheme kaltlanga hmunhma ṭha an neih theih dan tur te sawi lan a ni a. Heng bakah hian infiam mite tana hamṭhatna, Incentive Cash Award leh The Mizoram Sports Award chungchang te pawh sawiho a ni.

He meeting-ah Pu John Tanpuia, Secretary, MSSC chuan hnen atangin District Sports Committee inrelbawl dan tur Power-point presentation ngaihthlak a ni a. District hrang hranga District Sports Committee kalpui a nih mek dan leh tuna regulation thar, The Mizoram Sports Council (Formation and Functioning of District Sports Committee) Regulation 2022 nen a danglamna te inhrilhfiah a ni a, zawhna leh chhanna hun hman a ni a. DC hrang hrangte atangin rawtna, zawhna leh chhannate neih a ni bawk.

The Mizoram Sports Council (Formation and Functioning of District Sports Committee) Regulation 2022 ang hian District zawng zawngah District Sports Committee Deputy Commissioner te Chairman-na hnuaiah kalpui a ni tawh dawn a. Tuna DSC lo din tawh leh awm mek te pawh thiah a, dan thar anga inruat/inthlan thar a tul dawn avangin Sawrkar lam pawhin hemi chungchangah hian thuchhuah mumal tak a siam tur thu te ngaihthlak a ni. 

Post a Comment

Powered by Blogger.