Lawngtlai, July 01, 2022 : June ni 27 atanga Lawngtlai Vengpui Volleyball Court-a khelh tan District Volleyball Association Lawngtlai buatsaih, Season Opening Tournament-2022 chu vawiin khan tluang takin zawh fel niin, mipa lamah Bazar Volleyball Club chu champion-in, hmeichhe lamah Sihtlangpui Volleyball Club ten no mawi an hawn thung.
DVAL Technical Board Secretary Pu V. Lalchhuanzauva'n Tournament report a pek danin, Tournament-ah hian Mipa lamah Team 14 leh Hmeichhia lamah hian Team 10 an in lan a. Vawiina Final khelh hmasa zawk, Hmeichhia lamah Sihtlangpui Volleyball Club chuan Electric Veng Volleyball Club chu Set 3-0 a hnehin Champion nihna an chang a, Mipa lam Final ah Bazar Veng Volleyball Club chuan College Veng Volleyball Club set 3-0 bawka hnehin Champion an ni bawk a ni.
He hun hi District Council Sports & Youth Services Officer Pu Hmangaih Johana, Lawngtlai District Sports Committee hruaitute- Vice Chairman, Pu C. Lalhmangaihkima leh Secretary Pu Matthews R. Laldinpuia ten an hmanpui bawk a ni.
District Volleyball Association Lawngtlai (DVAL) Season Opening Tournament 2022 ah hian mimal Lawmman chi hrang hrang, Mipa leh Hmeichhia huangah te sem niin, heng mite hi mimal lawmman dawngtute chu an ni.
Mipa (Men's)
Best Spiker - Rohkupuia Chinzah, Bazar Veng V/C
Best Setter - Zonuntluanga Aineh, College Veng V/C
Most Promising Player - KVLMS Remruatpuia, College Veng V/C
Hmeichhia (Women's)
Best Spiker - Lalbiakngheti, Sihtlangpui V/C
Best Setter - Rebeck K. Lalnunhlimi, Electric Veng V/C
Most Promising Player - Angel Runremsangi, Sihtlangpui V/C
Post a Comment