Rauthla, July 01, 2022 : Kumin May ni-9 a Chakma Autonomous District Council Budget Session neih ah, CEM rintawklohna pulut a, paihthlak a nih vanga Budget Session neih zui theih a nih loh hnuah, vawiin khan CADC Budget Session chu Chairman Pu Kali Kumar Tongchangya kaihhruaina hnuaiah neih a ni.

Vawiin budget Session-ah hian Chief Executive Member Buddha Lila Chakma chuan kum 2022 leh 2023 inkara CADC Budget tura ruahman cheng nuai 11,342 chu House ah a pharh a. CEM chuan Supplementary Demand for Grants atana ruahman Cheng Nuai 1300 pawh a pharh tel nghal a, Budget ah hian Cheng Nuai 132 sing 3 sang 7 chu chhiah tlingkhawm atanga hmuh tum a ni. 

CEM Pu Buddha Lila Chakma chuan inkalpawhna kawng siamthatte, tuiluankawr siam leh Retaining wall rem te, Zirna In siamthat te, Pre-Primary School zirlai tan Uniform leh zirlaibu leina tur te kuthnathawktute tanpuina tur te leh Golden Jubilee lawmna atan te, thildang Chakma mipui tana tha tur hrang hrangte Budget ah chuan telh a nih thu a sawi.

CADC Budget vawiin a pharh hi karleh Thawhlehni July 5 ah House ah sawiho a pawmpui tum a ni.

Post a Comment

Powered by Blogger.