Lawngtlai, JUne 24, 2022 : District Level Narco Co-ordination Centre (NCORD) Commitee chu nimin khan an chairman Lawngtlai Bawrhsap Pu Amol Srivastava kaihhruaina hnuaiah an thukhawm a. Lawngtlai District chhunga Ruihhlo leh vaihlo leh a kaihnawih chunga hmalak dan tur hrang hrang an sawiho.
Lawngtlai Bawrhsap chuan Lawngtlai khawpui chhunga damdawi tih chingte man chhuak a theihtawp a hma la turin CYLA leh Police te a chah a. Ram leh khawtlang a lo ralmuan theih nan thawhhona tha tak hnuaia neih a tul thu a sawi a. Hemi kawngah hian Sorkar aiawhte leh Central YLA te leh NGO te chu pheikhai rual taka ke pen tlan a pawimawh hle a ni a ti bawk.
Lawngtlai SP Pu Rakesh Paweriya, IPS pawhin thu sawiin, a mit ngeia School naupang kumtlinglo ten meizial zu a hmu tih sawiin, hemi kawngah hian Education Department lam leh School thuneitu te hma la turin a ngen a. Khawlai, public place a meizu te pawh vai turin hma lak a tul thu a sawi a. Damdawi tih ching leh zuar te chu man an nih chuan dan anga an chunga action lak zel anih tur thu a sawi bawk a ni.
Nimina District Level Narco Co-ordination Committe thutkhawm chuan hmalakna tur engemawzat an rel a. School leh compound a meizial leh a kaihhnawih zuarte dap chhuah nise an ti a, Damdawi leh vaihlo kaihhnawih chungchangah Sorkar Department leh CYLA ten Awareness campaign uar takin buatsaih nise an ti bawk a. Damdawi leh a kaihhnawih dona kawngah nasa lehzual a hmalak chhunzawm nise an ti a, hemi bakah hian a tul angin Inzirtirna hun (Awareness campaign) buatsaih thuai nise an ti bawk.
Nimin thutkhawmah hian SP Lawngtlai, Addl SP Lawngtlai, Chief Medical Officer, Central YLA President, School Education Department, Assam Rifles leh Social Welfare Departmentt. atangte in an tel a ni.
Post a Comment