Rauthla, June 20, 2022 : Vawiina an  Chairman Dr K Beichhua, Excise Minister hova State Working Committee on Ruihhlo Do thukhawm chuan Mizorama ruihhlo hluar lutuk tihrem a nih theih nan Village Level Task Force din nise an ti a, District Working Committee on Ruihhlo Do din nise an ti bawk.

Dr K.Beichhua chuan Mizoram chhungah nasa taka ruihhlo a hluar avangin tangrual a, tihtakzeta do let a ngai tih sawiin, Vawi leh khatah tihrem vek thei nilo mah se, a hluar lutuk tihziaawm hi hna pawimawh hmasa a ni, a ti.

Vawiin meeting hian State level bakah District tinah Working Committee din ni se, tiin an rel a. District Working Committee on Ruihhlo Do-ah hian DC tin te Chairman ni se, member atan a kaihhnawih department aiawh te bakah tlawmngai pawl hrang hrang te ruat ni se an ti a. Khua leh veng tinah Village Level Task Force din ni se an ti bawk a. Member atan Local/Village Council, kohhran, tlawmngai pawl te leh veng/khaw tinin telh tul an tih ang ruat ni se, heng member kalkhawmte hian an Chairman tur leh hruaitu dang te thlang se tiin meeting-ah hian rel a ni bawk. State Working Committee atanga Village Level Task Force thlenga sum leh pai mamawh tur duan niin, Budget atan cheng vaibelchhe 7 chu pawm a ni.

Post a Comment

Powered by Blogger.