Lawngtlai, June 8, 2022 : Vawiin khan LADC, Industry Department changtu Pu Hc. Lalthawmliana chuan a Department enkawl Industry Training Centre, Electric Veng Lawngtlai tlawhin, thawktute nen inkawmhona hun hlimawm tak an hmang.
Pu Hc. Lalthawmliana chuan Weavers te chu Hnam hmel timawia Hnam zia rang phochhuaktu leh thawktu pawimawh tak an nih thu sawiin, an thiamnate Ram leh Hnam tana thahnem ngai taka hmang chhuak zel turin a chah a. Sorkar pawhin an harsatna hrang hrang an thlente, theihtawp chhuaha sutkiansak a tum thu a sawi bawk.
Weavers te'n an harsatna hrang hrang an thlente zingah an hlawh beitham tak ni thin chu theihtawp chhuaha a nawrsakna zarah tih pun sak an nih thu a sawi a, tun aia tam deuh zawk hlawh an lak theihna tur te, Department in hma a sawn zel theih nan pawh theihtawp chhuaha hmalak zel a tum thu Pu Hc. Lalthawmliana chuan a sawi bawk.
Thawktu (staff ) te chuan hetianga anmahni ngaihsak leh ngaihventu, an harsatna leh mamawh an thlen apiang chak taka hma laksak a, tihhlawhtlinsaktu an nei chu an lawmzia thu sawiin, Ram leh Hnam tan an thiamnate hmanga theihtawp chhuah an tum thu an sawi bawk.
EM hi a staff-te leh DCIO LADC, Lawngtlai Eastern Block 1 President leh Secretary ten an tawiawm a ni.
Post a Comment