Vawmbuk, June 8, 2022 : Kar kalta Thawhlehni, May 31, 2022 a chinhriat lova bo Pi Famthluaii, kum 67 mi, Vawmbuk khua chu vawiinni thlengin hmuh a la ni lo.
Pu Lalrinsanga, President, YLA Vawmbuk Branch hnen atanga Rauthla thudawn danin, Pi Famthluaii bo hun hi hriat chian theih a ni lova, a chhungte chuan May 31, 2022, Thawhlehni khan a awm lo tih an hria a, chhungkuain an zawng a, June 5, 2022, Pathianni khan a bo thu hi YLA in a hre ve chauh. June 6, 2022, Thawhtanni atang khan Pi Famthluaii hi zawn nghal a ni a, vawiinni thlengin hmuh a la ni lo.
Vawiin, June 8, 2022 khan Pi Famthluaii bo zawn hi chhunzawm a ni a, Phawngpui tlang leh Vawmbuk chhehvel zawng zawng dapchhhuah a ni a. Vawiin bo zawnnnaah hian YLA Archhuang Branch, YLA Tialdawngilung Branch, YLA Siachangkawng Branch, YLA Bualpui NG Sub-Hqrs, hruaitute leh YLA Bualpui NG Branch I leh II te an tel a ni.
Pi Famthluaii hi chhul lam tha lo a ni a, pum na a nei thin bawk a. Nitin ram lam kal thin a ni bawk a. a A kal tamna ber chu Balhhla hmunah a ni. A zawnna hna hi naktuk lamah pawh chhunzawm zel tur a ni a, YLA ang chuan ni 7 chhung zawn a ni ang.
Pi Famthluaii bo zawnnaa a zawngtute thingpui inna leh mamawh lei nan vawiin khan Bialtu MDC Pu T. Zakunga chuan YLA Vawmbuk Branch President hnenah Rs. 10,000 a pe.
Post a Comment