Thlengang, June 16, 2022 : Lai Autonomous District Council-a Revenue changtu EM Pu C Hrangthianga chuan nimina Thlengang khuain YMA Day an hman chu khuallian niin a hmanpui.
Pu C. Hrangthianga chuan, Thlengang YMA Branch ten YMA Day a khuallian atan a an sawm chu a ngaihhlut thu sawiin, ‘NGO hi Mizoram atan chuan pawl ropui leh ngaihhlut tlak a ni a, lehkhathiam tak tak ni si, ram leh khawtlang tana finna leh thiamna hmang duh lo leh NGO a inhmang duh lo chu ngaihsanawm an tling lo a, kan chhiat leh that a min enkawltu leh min tuamhlawmtu chu NGO YMA/YLA te hi an ni a, NGO hi ngaihhlut nachang kan hriat thar a tul hle a ni’a ti.
Khuallian chuan, hripui leng karah MNF Sorkar chuan sum leh thil dangah harsatna namen loh a tawh avangin duh angin hmalakna a kal chak theilo a, Bialtu MLA pawhin Bial chhung hmasawn dan tur ngaihtuah a rilru leh ngaituahna a sen mek thu leh Thlengang khawtlang in a mamawh an neihte pawh MLA hnena a thlenpui zel tur thu a sawi bawk.
Pu C. Hrangthianga chuan Thlengang YMA Branch ten an hman atan- Football, Volleyball, Silpaulin leh sum fai thahnem tak Thlengang Branch YMA President hnenah a hlan bawk a. Thlengang khuaa YMA Day hmanna a Khuallian Pu C. Hrangthianga hii MNF District Headquarters leh Unit atangin hruaitu thahnem takin an tawiawm a ni.
Post a Comment