Lunglei, June 23, 2022 : Lunglei DC Pu Kulothungan A hovin a office chamber-ah vawiin khan Lunglei District-a malaria dinhmun tlangpui leh a do kawnga hmalakna kal mekte sawiho turin meeting neih a ni.
Lunglei District Task Force on Elimination of Malaria Chairman Pu Kulothungan A chuan malaria tam hun a nih chhoh mek avangin a do kawngah leh mipuite zirtir kawngah ngawrh taka hmalak zel a tul takzet a ni, a ti a. Lunglei District huamchhunga malaria tam na hmun western belt Lungsen, Tlabung, leh a chhehvelah te tan kan lak zual a tula ni tiin mawhphurtute chu hmalak zel dan tur a sawipui.
He meeting thurel angin Lunglei District chhunga hmasawnna hnathawh hrang hrang kalpui mek – kawngpui siam, eletric line siam etc thawktu contractor te pawh an hnuaia hnathawktute thosilen hman tir vek turin hriattir an ni.
Vawiin vek khan Lunglei District Malaria Officer Dr Lalrinthangi leh a thawhpuiten Synod Confernce Centre, Salem Vengah Lunglei District huamchhunga ASHA 197 awm te ko khawmin malaria do kawngah training an neih pui a ni.
May 2022 khan Lunglei District-ah test 3121 tih tiin malaria case 228 (Malaria Pv – 33 leh Malaria Pf -195) hmuhchhuah an ni.
Post a Comment