Aizawl, June 23, 2022 : AH&Vety Minister Dr K. Beichhua chuan ASF hri leng avanga Mizoram dung leh vanga vawk suat (cull) te zangnadawmna tur sawrkarin a buaipui mek pawh a hmawr an bawk thei tep tawh, a ti.
He thu hi vawiina PIGFED Ltd. Annual General Meeting, Vety Polyclinic Conference Hall, Aizawla neih khuallian nia a hmanpuinaa a sawi a ni a. Minister chuan zangnadawmna chungchangah Amah ngeiin sawrkar laipuia Minister te a dawr thu sawiin state leh central nen 50:50 in zangnadawmna hi kalpui a ni dawn a, sawrkar laipui lam chuan cheng vaibelchhe 5 chuang an rawn pe tawh a, a do letna tur State Sawrkarin a allocate tawh bawk a, tun atanga reilote ah expenditure sanction hmuh a ni dawn tih a sawi.
PIGFED hian ASF hripui leng an tuar nasa hle a. Thenzawla an farm ah vawk 53 an thi a, 208 zet suat an ni bawk a. Selesiha an farm ah vawi 15 an thi a, 33 suat an ni bawk. ASF avang hian heng an farm pahniha vawk an vulhte hi an mang vek a ni.
Post a Comment