Lawngtlai, June 17, 2022 : Lai Students' Association, General Headquarters; Lawngtlai chuan vawiin, June 17, 2022 hian MBSE in kumina HSLC leh HSSLC result a tihchhuah taka Laifa zirlai top 10 a lang leh distinction-a pass-te chawimawina hun a buatsaih dawn.
Dar 10:30 AM a tan tur zirlai titha chawimawina hun hi CYLA Hall, Lawngtlai - III ah neih a ni dawn a. Pu C. Rongura, EM i/c LAD etc, LADC chu khuallian a ni ang.
Chawhma hun hi LSA Gen. Hqrs; Lawngtlai Vice President Tumbikcheua'n a kaihruai ang a, F. Chanliana, Adviser-in hunserh a hmang ang a, Mc. Vanlalrova Lai, GS in introduction a nei ang a, khuallian Pu C. Rongura leh LSA Gen. Hqrs; Lawngtlai President F. Vanlalruatpuia ten thu an sawi ang. Hemi hnu hian Frederick Vanlalngaihsaka kaihhruaina hnuaiah zirlai tithate hnenah chawimawina hlan a ni ang. He hunah hian F. Lalramhnaii leh Latei Hringen te an zai bawk ang.
Chawhnu lam hun hi K. Lalenmawii'n a kaihruai ang a, he hunah hian zirlaite tan Awarness programme hman a ni dawn a. Resource Person te chu C. Lalruatkima, MPS Addl. SP, Lawngtlai, N. Lalzarzova, MCS, BDO Lawngtlai, Dr. T. Lalbiakvela, MBBS, Dist. Hospital Lawngtlai leh Malsawmdawngliana, OAS, MRB Lawngtlai te an ni ang a, zawhna leh chhanna hun hman a ni bawk ang. Eric Lalliankima, Treasurer-in lawmthu sawina hun a hmang ang.
Vawiina zirlai titha chawimawina hunah hian zirlai 72 te hnenah chawimawina hlan a ni ang.
Post a Comment