Lawngtlai, June 24, 2022 : Lawngtlai DFA Futsal Committee chuan 2022-2023 season atan Club affiliation leh player registration tih hun a hawng.
Hemi chungchangah hian LDFA Futsal Committee vawiin khan thuchhuah an siam a. Club affiliation leh player registration hi June 30, 2022 atanga July 30, 2022 thleng a tih theih dawn a, hei hi LDFA Futsal Committee Secretary hnenah a tih theih dawn a ni. Club Affiliation fee hi Rs. 200 a ni a, player registration fee chu player pakhat tan Rs. 50 a ni a, passport size photo 2 a ngai bawk. Club pakhatah hian player 15 aia tam register phal a ni lo bawk a ni.
Pawlin emaw mimalin emaw One-Day Futsal Tournament buatsaih an awm thin a, hetianga tournament buatsaih a nih dawn hian LDFA Futsal Committee hnenah phalna an la tur a ni a, phalna la hmasa lo chuan tournament buatsaih phal a ni lova, tilui an awm a, register player-te an khel a nih chuan hrem an ni ang.
LDFA Futsal Committee chuan Futsal Screening Tournament an buatsaih dawn tih an sawi a, he tournament-ah hian affiliated club leh player registered te chauh khelh phalsak an ni ang. A hun tur hi la puanzar leh a ni ang.
Futsal Committee hruaitu be duh tan :
Elvis Lalthangzuala, Chairman
Lawngtlai DFA Futsal Committee
(9436176670)
F. Ramdinsanga, Secretary
Lawngtlai DFA Futsal Committee
(9436756356)
Post a Comment