Vawmbuk, June 10, 2022 : Kar kalta Thawhlehni, May 31, 2022 a chinhriat lova bo Pi Famthluaii, kum 67 mi, Vawmbuk khua chu vawiin dar 12:30pm khan thia hmuh a ni.
Pu Lalrinsanga, President, YLA Vawmbuk Branch hnen atanga Rauthla thudawn danin, Pi Famthluaii ruang hi Vawmbuk atanga km 5 vela hla, Phawngpui tlang hnuai, Limhmuh lui hnarah hmuh a ni a, a ruang hi a chhe tawh hle a, ni 3/4 vel kalta thi a nih a rin thu Pu Lalrinsanga chuan a sawi bawk. Pi Famthluaii ruang hi vawiinah phum nghal a ni ang.
Pi Famthluaii bo hun hi hriat chian theih a ni lova, a chhungte chuan May 31, 2022, Thawhlehni khan a awm lo tih an hria a, chhungkuain an zawng a, June 5, 2022, Pathianni khan a bo thu hi YLA in a hre ve chauh. June 6, 2022, Thawhtanni atang khan Pi Famthluaii hi YLA chuan an zawng nghal.
Pi Famthluaii hi chhul lam tha lo a ni a, pum na a nei thin bawk a. Nitin ram lam kal thin a ni bawk a. a A kal tamna ber chu Balhhla hmunah a ni.
Post a Comment