Rauthla, May 23, 2022 : ZPM Thalai chuan MNF President, Chief Minister ni bawk Pu Zoramthanga chu a lo sawi tawh anga leilet neitute hnena khawl sem tur leh, vai buhfai ei titawp a, ration atân Mizo buhfai sem turin an phut.
ZPM Thalai chuan MNF President Pu Zoramthanga'n Mizoramah phaizawl hectare 70,000 a awm thu leh, chu chuan Mizoram a chawm zawh thu-te, sawrkarna an chan phawt chuan vai buh kan ei tawh loh tur thu a tiam hnu lawkah, a thusawi ring zovin mipuite'n sawrkârna an pe a, an sawrkar term a tawp dawn thlengin vai buhfai hlir kan la ei tih an sawi a. Hetih lai hian May 21, 2022-a supply minister Pu K. Lalrinliana'n, "Buhfai kan dah khawl zingah kan thar a awm lo" a ti leh si a, hei hian mipuite min barakhaih hle a ni an ti bawk.
ZPM Thalai chuan kum 2018 inthlanpui hmaa Pu Zoramthanga'n vai buhfai ei tihtawp chungchânga a lo intiamna chu Zoram mipuite'n kan la theihnghilh lo tih an sawi a, 'MNF sawrkâr term tawp lamah MNF sawrkârin ration atân vai buhfai an sem tawh loh hun tur hi Mizo mipuite'n kan lo thlîrin, kan lo nghâk a; ration-a Mizo buhfai sem a nih hun tichiang thuai turin CM kan phut bawk a ni' an ti.
Post a Comment