Aizawl, May 30, 2022 : Ruatfela Nu in Environment Forest & Climate Change (EF&CC) office kawtah 'Silent Strike for Environment Justice in Mizoram' a nei mek.
Social Activist Vanramchhuangi 'Ruatfela Nu' chuan Mizoram chhunga hmasawnna (development) hnathawh vanga kan environment tlusawp nasa lutuk tana rorelna dik (justice) a phutna chu Principal chief conservation of forest (PCCF) hnenah ziakin a thehlut a, hemi hnu hian Silent Strike hi a nei zui nghal.
Ruatfela Nu chuan kan environment te chu NHIDCL in kum 3 dawn zahna chhete mah nei lo leh dimdawina tel hlek loin an nghaisa tih a sawi a, hemi vang hian kan luite (seasonal leh parrenial river) 99.9% chu an kawng laih vungin a chhilh bo vek tih a sawi.
"Kan thing leh mau chhiar sen loh an tichhia a, chung hmuna cheng nungcha chimit zo vek an hmu ve reng a, engati nge an tih tawp loh, engati nge kan environment an humhim loh," tiin, Mizoram Pollution Control Board chuan, complain an dawn avangin, kum 2021 ah khan NHIDCL vawi hnih lehkha an pe a, DC te an pe bawk. Chhanna an dawnglo. Tun thla mai khan kan lui tui te an luan nut vek hnuah an pe leh bawk niin a sawi.
"Keini chuan kan hmu a, kan bihchiang a, kan au chhuak a, kan ziak a. Ka au awnin bengkhawn a hlawh loh vangin kan environment tan kan nih nih kan nih a lo ngai ta a ni," Ruatfela Nu chuan a ti.
National Highway Infrastructure Development Corporation Limited (NHIDCL) kawng laih mek; NH-06 Seling to Zokhawthar, NH-102B Keifang to Manipur, NH-302 Lunglei to Tlabung leh NH-54 Aizawl to Tuipang te chu a rang thei ang bera an hnathawh lai chawlh san tura stay order pek nghal Ruatfela Nu chuan a phut a ni.
Post a Comment