Lawngtlai, May 19, 2022 : Nimin khan LADC-a CEM Conference Hall-ah Pu V. Zirsanga, CEM LADC leh Chairman, Committee in Green LADC Day hovin Green LADC Day 2022 hman dan tur an rel.

Pu V. Zirsanga chuan, hotu hmasa te ruahmanna in Green LADC chu hman a lo ni tawh thin a. A hlawhtlinna pawh Ramin kan hmu chho mek zel bawk a. Green LADC Day hi District Council a thawktute mai bakah Ram mipuite pawhin kan hlut chho zel hi a lawmawm tak zet a ni, a ti a. Kan ram hi Ram nuam leh awmna tlak a kan siam theihna tur chuan thingphun kan uar a, a enkawlna kawng ah pawh tan kan lak zui zel hi a ngai ani, a ti bawk. 

Pu V. Zirsanga chuan, kan ram hmasawnna lokal zel avangin nasa takin kan thingphun te tihchhiat a ni a. Hemi anih avang hian tun aia nasa lehzual thingphun kan uar lehzual hi a ngai a ni, a ti a. Kan ram hi kan tu leh fate tan ram nuam leh awmna tlak ni Turin kan buatsaih mek zel ani tih hria ila. Heng kan thawhrimna leh inpekna hian rah duhawm tak a chhuah ngei dawn a, chu chu keini ho hian kan lo chhawr hman lo anih pawhin kan tu leh fate'n an chhawr dawn ani, tih hria a phur taka Green LADC Day hmang turin tan ila ang u, a ti bawk 

Member Secretary Pu K. Lalromawia DCCF chuan report pe in Kum 2021 khan Green LADC day ah thing tiak 260 phun a ni a, hemi atang hian 80% chu phun nun a ni a, department lam ten theihtawp chhuaha an enkawl  thu a sawi a. Kumin a Green LADC Day ah pawh thingtiak phun tur pawh an neih fel tawh thu a tarlang bawk a ni 

Meeting ah hian Green LADC Day chu June 3,2022 hian hman nise, LADC tualzawl ah a hawnna programme buatsaih in, Khuallian atan Pu V. Zirsanga, CEM LADC nise, KMMTTP road ah LADC hnuaia Department hrang hrang te'n thingphun hnatlang neih chhunzawm nghal nise, an ti bawk.

Kumin Green LADC Day ah hian kum dang a an lo tih ngaih loh angin Sub-Division hrang hrang ah te Green LADC Day hi hman nise an ti bawk.

Green LADC Day hi kum 2015 atang khan hman tan a ni. 

Post a Comment

Powered by Blogger.