Lawngtlai, May 5, 2022 : Nimin khan LADC a Information & Public Relations Officer leh Central YLA President ni bawk Pu HC.Vanlalruatpuia chuan Pu K. Sang Chhum lehkhabu ziah "LAIRAM" tih chu Lawngtlai Press Club ah a tlangzarh.
Pu Hc. Vanlalruatpuia chuan kan ram chanchin ziakna Lehkhabu hlu tak mai buatsaih a ni chu lawmawm a tih thu a sawi a, tlangzarh tak lehkhabu chu lehkhabu satliah ni lovin, kan ram leh hnam tan lehkhabu rotling tur a la ni dawn a ni a ti.
Pu Hc. Vanlalruatpuia chuan kan ramin kan hnam history ziahna bu kan neih that loh thu a sawi a, kan ram history tarlanna lehkhabu kan neih belh chu lawmawm a tih thu sawiin, kan hnamin history chhuina kawngah bung thar pawimawh tak kan kai a ni a ti bawk.
Lehkhabu ziaktu chuan a lehkhabu ziah chu Laifa ten hmalama kan pan zelna atana kan hriatna ti bengvartu a nih a beisei thu a sawi a, a lehkha chu thangthar ten thil kal tawh an hriatna tura an beng tivartu atan leh kan Lairam ah dik taka rorelna kalpui a nih theihna tur atana darthlalang a nih avanga buatsaih a nih thu a sawi bawk.
Lairam tih lehkhabu hi phek 321 niin, copies 700 chhut a ni a, Rs.250/- man niin, Ebenezer offset Luangmual Vengthlang te chhut a ni.
He lehkhabu tlangzarh inkhawm hi Pu Salai R. Lahnim in a kaihruai a, Pu H.Lalnunsanga, Chanmary in, lehkhabu thlirlawkna hun a hmang a. Revd H. Lalsangliana'n hunserh hmangin, Pu V. Sapliana chuan lawmthu sawina hun a hmang bawk.
Post a Comment