Rauthla, May 3, 3033 : Lawngtlai East bialtu MLA Pu H. Biakzaua chuan ‘BJP Party thawhpui chu kohhran leh mipui ten an tuipui thei lo’ a ti.
Nimin khan Lawngtlai East Bialtu MLA & Vice Chairman Agri. Dev. Board ni bawk Pu H. Biakzaua leh MNF Dist. Hqrs.President Pu Lalramliana Colney ten Laty bial ah MADC inthlan campaign neiin an fehchhuak a. Pu H. Biakzaua chuan, opposition MDC te chuan MDC fund bak an nei lova, ruling party ngei thlangtling turin leh an bialtu MDC chu hnathawk thei tura siam turin Laty biala Maisa khua leh Palâ khuate chu a chah a ni.
BJP Party thawhpui chu kohhran leh Mipuiten an tuipui thei lo a, Missionary din Mara mipuite hian kristianna nena inmil lo, inzawm lo, Hinduva pawl ho hi in vote ka ring ngai lo a ti a, kan sorkarnaa tel ngei turin Pu Joela hi lo buatsaih rawh u, a ti bawk.
Palâ khuaah Pu Lalramliana Colney President MNF Dist Hqrs: Lawngtlai chuan thusawiin, LADC a MDC inthlanah bial 25 ah 20 thlantlin a nih thu a sawi a, ruling lai bel thiam nih hi a finthlak hle tih an hria a, LADC mipuite chu an â duhlo a ti a. BJP, Congress emaw Independent emaw buaipui a hun tawh lo va, ruling sawrkar bel thiam niha hnathawk thei tura inbuatsaih, thli a thawt ang zela inherrem thei turin mipuite a chah a, MNF party anga inbial tana hnathawk thei turin official candidate te hi lo tawiawm vek tur che u in ka ngen che u a ni, a ti.
Pu H. Biakzaua MLA hi nizanah Siaha ah a riak a, President leh a team te hi nizan Phura ah riakin, vawiin hian Lawngtlai an lut ang.
MLA Pu Biakzaua hi Pu C. Rongura Executive Member in a tawiawm a, President Pu Lalramliana Colney hi Pu H Lalhmingmawia General Secretary, Pu C. Thanchianga Secretary leh Pu Josua Jt. Secy MNF Dist. Hqrs: Lawngtlai ten an tawiawm a ni.
Post a Comment