Aizawl, May 19, 2022 : Food Civil Supplies & Consumer Affairs (FCS&CA) Director, Ramdinliani'n petrol leh diesel (POL) ah chi-aina em em tur a awm lo tih sawiin, Gauhati a mi by-road a phurh tur a nih vangin a rawn thleng muang deuh rih mai dawn tih a sawi. "A rawn thleng reng dawn a, kan lakna a hla ta deuh a, chu mai chu a ni," a ti. Mizoram ah buhfai dinhmun a that thu leh IOCL lamin LPG lamah pawh harsatna awm turah an ngai lo tih a sawi bawk.
Supply director chuan Lumding leh Badarpur inkara leimin in Assam leh Mizoram (Barak valley chhim lam zawng) mamawh (oil) lakluhna rel kawng a tihchhiat chu siamthat theih a nih hun tur hriatthiam a har tih sawiin, railway lam chuan thla khat chhung vel a siamthat (restore) theih an inbeisei tih a sawi.
Supply director sawi danin, oil te chu Lumding leh Badarpur kaltlangin rel a rawn phurh thin a ni a, chungte chu Ramnagar oil depot, Silchar ah a lo thleng khawm thin. Tun dinhmun ah Ramnagar oil depot ah diesel chhekkhawl sa a tam a, petrol erawh a tam lo. Diesel leh petrol te chu Barak valley chhimlam zawng (Mizoram telin) te chan tur chu Gauhati atangin by-road a lakluh tur/lakluh mek a ni.
A phurhna lam ah Indian Oil Corporation Limited (IOCL) hnuaiah transporter thahnemtak an awm tih supply director chuan sawiin, IOCL leh railway lam pawh an biak reng thu a sawi.
Supply director sawi danin, Lumhing leh Badarpur inkara harsatna thleng van lian tak a awm a, gin IOCL lam chuan LPG lamah harsatna a thlen an ring lo a, Agartala ah bottling plantchu chuan Tripura leh Mizoram mamawh a chawm zo in an hria. Buhfai lamah pawh Mizoram dinhmun a tha a, chhekkhawl sa a tam tawk tih supply director chuan a sawi bawk.
Post a Comment