MIZO GAMER/STREAMER ZINGA 100K SUBSCRIBER NEI TLING HMASA BER BZA PACHUAU

India ramah e-Sports a thang chak zia leh Mizoram ah ngei pawh gaming in hma a sawn a zia chu in hrilh hriat kan ngai tawh awm lo ve.


A bikin India ram leh Mizoram ah Mobile games lar em em mai PUBGM (BGMI) lar zia leh thalai te ah khel an tamzia chu a hre tu te vek kan ni. Tun dinhmun ah phei chuan PUBGM(BGMI) hi sports dicipline huang ah dah niin Asian games vel ah telh tawh tura ruahhman ni in hmanni pawh khan India rama rorelna sang ber Rajya Sabha ah chuan e-Sports(BGMI) school din chungchang sawi kai hial a nihkha!

Chutiang khawpa India ram sawrkar pawh ina a ngaih pawimawh tawh he mobile games BGMI hmanga YouTube a 100k subs nei tling thei hmasa ber BZA PACHUAU (Rip Flick tia hriat lar) hian engtin nge a zinkawng a zawh!

Bza Pachuau hi Saitual khua a ni a, Saitual atang Dawrpui Vengthar,Aizawl ah in luah in a khawsa a, chunglai chuan tunlaia games lar em em mai PUBGM (BGMI ti tawh zawk ang aw) hi lo chhuak in a khel ve tan ta a, internet connection tha wifi pawh nei zo lo in, mi bathlar ah te net chak na ah te kal kual in he games hi a khel ve tauh tauh thin a, a hnu ah Youtube ah te a game khel dah ve in 100 subs vel lek te neiin a theih ang tawk in a buaipui ve sauh sauh thin!

THAWHRIM RAH CHU HLAWHTLINNA :

India ram gaming community ah chuan tun dinhmun ah Bza Pachuau hre lo hi chu an awm tawh awm lo ve tih theih hiala India rama hming chher mek Bza hi tumah ruah sur karah mi varandah free wifi hmang te tun dinhmun thleng tur hian a khel ang tih an ring pha kher lo ang! Mahse thawhrimna leh tumruhna chuan Mizoram mai nilo India rama gamers hriat hlawh ah a tarchhuak ta!

Post a Comment

Powered by Blogger.