Lawngtlai, May 24, 2022 : Lawngtlai District Police Force chuan Forensic Team hran nei tura hma lain, niminpiah, May 23, 2022 khan Lawngtlaiah District Police Forensic Team chu din fel a ni. 

Mizoramah Forensic Science Laboratory chu Aizawl chauh a awm avangin Dan bawhchhiatna leh pawi khawihna thlengah kutzia leh finfiahna (forensic evidence) zawn leh lak a á¹­ul changin forensic team mamawhna a sang hle a, hmun hla zawk Lawngtlai anga forensic team lo kal turin harsatna tam tak a awm á¹­hin a, hei vang hian District Police Forensic Team din a ni.

Lawngtlai District Police-in Forensic Team hran a neih theih nan hian thawktu pathum ASI Albert Lalramthianghlima, H/C F. Lalrokhuma leh C/ David Lalrosangpuia te chu Forensic Science Laboratory, Aizawlah training tura tirh niin, pawi khawihna hmuna kutze thla lak dan te, finfiahna dang lak dan leh forensic science te an zir a. Training á¹­ha taka an zawh hnuah Lawngtlai DEF puala Forensic Team hi din niin, hna thawhna atana an hman tur mobile forensic vehicle buatsaih fel sa pawh nimin khan tlangzarh nghal a ni.

Forensic Team dinna leh lirthei tlangzarhnaah hian Lawngtlai SP Pu Rakesh Paweriya, Addl SP Pu C. Lalruatkima, SDPO Pu Beimosia Lapi leh Forensic Team member-te bakah, thawktu dangte an tel a ni.

Post a Comment

Powered by Blogger.