Lawngtlai, May 19, 2022 : Nimin khan  Lawngtlai DC Conference Hall-ah  Lawngtlai Bawrhsap kal chhuak tur Dr Andrew H. Vanlaldika, MCS thlahna hun hman a ni a, he hunah hian Lawngtlaia tlawmngai pawl leh pawl hrang hrang an tel.

Lawngtlai Bawrhsap kal chhuak tur Dr Andrew H. Vanlaldika chuan Bawrhsap hna a thawh chhunga Lawngtlai District mipui, pawl hrang hrang, kohhran, District Council leh sawrkar department hrang hrangte thawhpuina leh tawiawmnaah lawm thu a sawi a. Lawngtlai District-in kawng tinrengah hma a sawn zel theih nan kal khawmte chu mahni hma zawn theuhvah thahnem ngai taka thawk chhunzawm zel tura chahin, duhsakna a hlan.

Dr Andrew H. Vanlaldika hian June ni 16, 2020 khan Lawngtlai Bawrhsap hna hi a zawm a. Tunah hian Mizoram sawrkar Food, Civil Supplies & Consumer Affairs-ah Director ni turin Lawngtlai District Bawrhsap office hi a chhuahsan dawn a ni.

He hun hi Lawngtlai Additional Deputy Commissioner Pu James Miahlung chuan kaihruaiin, LIKBK Assembly-a General Secretary, Lawngtlai Kohhran Hruaitu Committee Chairman ni bawk Rev. B. Zazawna Lai chuan hunserh hmangin, thlahna thu a sawi nghal a. Lawngtlai District Village Council Association (LDVCA), Central Young Lai Association (CYLA), Mizoram Upa Pawl (MUP) Lawngtlai District Headquarters, Lai Autonomous District Council Officers' Association (LADCOA), Officers' Club Lawngtlai (OCL), Lai Women's Association (LWA) General Headquarters, Mizo Hmeichhe Insuihkhawm Pawl (MHIP) Lawngtlai Sub-Headquarters, Lai Students' Association (LSA), Lawngtlai District Sports Committee (LDSC) leh Lawngtlai District Badminton Association (LDBA) hruaitu theuhte'n Bawrhsap thlahna thu sawiin, ngaihhruina thilpek an hlan hlawm a. Lawngtlai DIPRO Pu C. Lalhruaitluanga buatsaih, "Dr Andrew H. Vanlaldika'n Lawngtlai Bawrhsap a nih chhunga a hna thawh hrang hrang hlimthlate" (video) thlir ho a ni bawk. 

Post a Comment

Powered by Blogger.