Lawngtlai, May 23, 2022 : Vawiin, May 23, 2022 khan Health & Family Welfare Department, Gov't of Mizoram chuan doctor posting & transfer order thar a tichhuak leh a, Dr. Lalramhluna Tochhawng, Grade-II (Rawpuichhip PHC), Dr. K. Vanlalhriati, Grade-III (District Hospital Serchhip) leh Dr. Lalbiakdiki, Grade-I, Civil Hospital Aizawl te chu District Hospital Lawngtlaia thawk tura rawn dah an ni.
Hetih lai hian vawiin order chhuakah hian District Medical Superintendent, Lawngtlai nilai Dr. Zothanpari Chhakchhuak, Grade-I chu District Hospital Saitualah sawn a ni a, a aiah Dr. Lalbiakdiki, Grade-I, Civil Hospital Aizawl chu DMS Lawngtlai atan rawn dah a ni bawk. Dr. Lalmalsawma, Grade-II pawh District Hospital Saitualah sawn a ni.
May 20, 2022 khan District Hospital Lawngtlaia thawk lai Dr. Andrew Kawlthangpuia, Grade-II (Bungtlang South PHC-ah) leh Dr. Paul Lalchungnunga, Grade-II (Phura PHC-ah) te chu hmun dangah sawn chhuah an lo ni tawh bawk.
Dr. Lalbiakdik hi Gyanaecologist a ni a, Dr. K. Vanlalhriati hi Paediatrician a ni a, Dr. Lalramhluna Tochhawng hi ENT a ni.
Post a Comment