Lawngtlai, May 27, 2022 : ZPM Lai Dist. Hqrs., Lawngtlai chuan vawiin khan thuchhuah siamin, CYLA ten ni 3 chhung picketing an huaihawt hnuah pawh sorkar atanga thu lawmawm hriat tur a la awm lo chu lungchhiatthlak an tih thu an sawi.
District Hospital Lawngtlaia doctor sawn chhuah an nih avang leh doctor dah belh phuta CYLA ten ni 3 chhung Picketing an neih hnuah sorkar lam atanga CYLA thilphutte tihhlawhtlin tumna emaw hmalakna emaw thu lawmawm a la awm lo chu ZPM Lai Dist. Hqrs., Lawngtlai chuan lungchhiatthlak an tih thu an sawi a, CYLA hmalakna chu a tawp thlenga an thlawp tur thu an sawi bawk.
ZPM Lai Dist. Hqrs., Lawngtlai chuan Lawngtlai District-a department hrang hrangte chu a nih dan tur angin a la function lo tih an sawi a, sorkarin chhim lam mipuite min ensan lova, min ngaihsak kan phut a ni an ti a. District Hospital Lawngtlaiin a kun zawnin faina leh thianghlimna lawmman a dawng a, sorkarin min lawmpui aiin thiltha titu an sawnchhuak nghal leh anmahni thlaktu tur an dah lo chu mak an tih thu an sawi bawk.
Post a Comment