SP kalchhuak tur thlah
Nimin khan SP Office Lawngtlai staff-te chuan Lawngtlai atanga SP kal chhuak tur Pu Deotosh KS Singh, IPS thlahna hun an hmang.Pu Deotosh KS Singh, IPS hi SP CID (Crime) ah a awm dawn a, a hmun ruakah hian SP CID (Crime) nilai Pu Rakesh Paweriya, IPS a lo awm ve thung ang.
Special Session ko
Governor Dr. Hari Babu Kambhampati-a’n Mizoram Legislative Assembly Special Session ni khat awh tur a ko. Assembly Special Session hi thla thar ni 10-ah an thukhawm ang a; Mizoram Legislative Assembly-in kum 50 a tlin lawm dan tur an rel ang.
MNF hi Central-in a ring ngam lo - BJP GS
BJP National Gen. Secretary, hmarchhak bialtu Ajay Jamwal-a'n "Central-in Mizoram BJP aia MNF a ring zawk a nih chuan central hruaitute, union minister te hi engvangin nge MADC inthlan atana campaign tura kan lo kal, MNF hi central-in a ring ngam lo a ni tih a chiang a ni" a ti.
Heroin thahnem tak man
Nimin khan Aizawl District Special Branch team te chuan Heroin, grams 65 vel a rit, sahbawn bawm 5 chhunga thuhruk, local market-a Rs. 1.75 lakhs leh international market-a Rs. 32 lakhs chuang man hu chu Malsawmkimi (23) d/o Liankhara, Armed Veng South, Aizawl kut atangin Millennium Centre, Dawrpui, Aizawl area-ah an man.
Salvation Army Thalai ten thisen an pe
Nimin khan Territorial SAY Action plan anga Division SAY Southern Division hmalakna leh ngenna angin India Eastern Territory 105th Anniversary pualin Lawngtlai, Thingfal leh Khawmawi Bial Salvation Army Youth te chuan Lawngtlai District Blood Bank-ah thisen an pe. Thisen pe tura kal mi 53 te zingah mipa 17 leh hmeichhia 3, an vaiin mi 20 ten thisen hi an pe a ni.
Post a Comment