Lawngtlai, April 19, 2022 : Vawiin, April 19, 2022 khan Pu Sanghuliana Mualchin, Chairman Town Committee, LADC chuan Lawngtlai khawpui chhunga Services provider te a kawm a. Lawngtlai khawpui chhunga Cable TV, Internet Connection leh Telephone hrui inzam dan chungchang mumal zawka kalpui dan turtea sawipui.
Pu Sanghuliana Mualchin chuan LADC chuan Golden Jubilee hial a lo thleng dawn ta a, inbuatsaihna pawh nasa taka kalpui mek a ni a ti a. Lawngtlai khawpui hmasawnnain a ken tel, kan nitin nuna pawimawh leh tul em em heng Cable TV, Intenet Connection leh Telephone hrui inzam dan mumal lo hian Lawngtlai hmasawnna a ti hmelhem a, hei hi felfai zawka tihdan a awm thei ang em tiin vawi tam tak sawiho a ni tawh a, vawiinah pawh hian engtia hmalak tur nge tihah inrawnkhawmna nei tura kalkhawm kan ni a ti.
Vawiin inkawmhonaah hian kalkhawmte chuan hun remchang hmasa berah Bazar Vengah Town Committee lamin min kokhawm leh mai se, khawtlang hruaitute berawn chungin hma la phawt ila, he kan hmalakna a zir zel hian veng hrang hrangah hmalak chhunzawm zel nise, Service provider te pawh in ngai pawimawhin hnatlang thawh ni hian kim taka kal theuh tum ni bawk se tiin thutlukna an siam.
Post a Comment