Aizawl, April 19, 2022 : Mizoram BJP President Vanlalhmuaka chuan Sorkar kan hrawn tawh leh Sorkar mek Party te bakah Party dang ten an tih theihloh tur hmanga mipui te min bumna tur laka in veng theuh turin Mizoram mipuite ka sawm che u a ni a ti.
BJP Mizoram Pradesh chuan nimin khan BJP Mizoram Pradesh Office Upper Republic-ah inkhawmna an nei a. Pu Vanlalhmuaka chuan BJP kan pung zel a, kan pung zel dawn bawk a, inlawmluhna hun pawh hi a tul hun apiangah kan nei mawlh mawlh zel dawn a ni a ti. “Mizoram ah hian BJP lo chu Sorkar tur an awm lova, Mizoram mipui rin ngam tur keini lo chu an awm lo a ni tih hi a chiang a ni. BJP thupui "Sabka Sath Sabka ka Vikas", "Mitin in an chan vo an chang vek tur a ni" tih hi kan thupui a ni reng a, mizoram mipui te hian Sorkar atangin kan Chanvo kan chang thin reng emttih hi kan in zawh a ngai a ni a ti.
An sorkar huna an hnathawh tur sawiin Pu Vanlalhmuaka chuan BJP chuan Mizoram mipui tan a kan hnathawh tur chu, Eng(Power) neilo te tana eng pek, Tui neilo tan a tui pek, In neilo te hnen a In pek, Lo neitu te tana hamthatna siam sak a, Kuthnathawktu te tana Pension Scheme PM Scheme kal tlanga siam sak, Mizoram khawtin inkalpawhna kawng siam that a, mirethei ten awlsam zawk a an chhawr theihna tur nan te, mipui mamawh a te ber thleng a pek hi BJP thil tum leh hnathawh tur ber anih vangin Mizoram ah pawh hei tho hi kan hna thawh tur a ni a ti.
State dangte hmasawnna hi kan awt ringawt tur a nilo va, Mizoram pawh hian State dangte hmasawnna neih ang hi kan nei thei. Sorkar kan hrawn tawh leh Sorkar mek Party te bakah Party dang ten an tih theihloh tur hmanga mipui te min bumna tur laka in veng theuh turin Mizoram mipuite ka sawm che u a ni a ti bawk.
Post a Comment