Lawngtlai, April 26, 2022 : Vawiin khan India ramin zalenna a hmuh kum 75-na lawmna (Azadi Ka Amrit Mahotsav) kal mekah Krishi Vigyan Kendra (KVK), Lawngtlai leh Agriculture Technology Management Agency (ATMA), Lawngtlai te á¹­ang kawp huaihawtin Chawnhua KVK hmunpuiah "Kut Hna Thawktute Kutpui" (Kisan Mela/Farmers' Fair) buatsaih a ni. 


He huna khuallian Lai Autonomous District Council (LADC)-a Agriculture department changtu Executive Member Pu Lalropuia Chinzah chuan Lawngtlai District-ah State sawrkar leh District Council hnuaia Agriculture leh a kaihhnawih department-a thawktute thawh hona á¹­ha tak chu kut hna thawktute'n a zar an zo chho mek tih sawiin, kut hna thawh kawnga Lawngtlai District hmasawn nan ruahmanna hrang hrang duan chhoh zel a ni, a ti a. Kut hna thawktute chuan mahni remhriatna leh thiam dan ang anga hma la tawp lovin, mi thiamte rawn nachang hriat leh an thu zawm thiam kawngah intihhmuh zel a á¹­ul a ni, a ti.

Khuallian Pu Lalropuia Chinzah chuan KVK Lawngtlaiin COVID-19 hri len nasat lai khan internet hmanraw kal tlangin kut hna thawktute kaihhruai nan zirtirna an pek,  "Farmers Online Seminar on Addressing COVID-19 Impact on Agriculture, Food Security and Livelihood in Mizoram" tih hming chawia a bu-a an siam chu a tlangzarh bawk.

Vawiina Lawngtlaia KVK leh ATMA te'n Kisan Mela an buatsaihah hian hmun hrang hranga kut hna thawktute thei leh thlai thar chhuah leh sawngbawl sate lak khawm a, pho chhuah a ni a. KVK leh ATMA te'n an khawl leh thiam thil thulkhung (technology) hrang hrang pho chhuak bawkin, Veterinary leh Agriculture Free Clinic buatsaih a ni bawk.

KVK Lawngtlaia Senior Scientist & Head Dr C. Lalfakawma chuan Mela hawnna hun hi kaihruaiin, KVK-a Subject Matter Specialist (Home Science) Pi Vanlalruati'n lawm thu a sawi a. ATMA Project Director Dr Benjamin Lalduhawma kaihhruaia hun á¹­hen hnihna hmanah KVK-a Subject Matter Specialist (Agronomy) Pu C. Rualthankhuma'n buh leh thlai chin chungchanga hriat tur pawimawhte a lem nen entirin a sawi fiah bawk.

Post a Comment

Powered by Blogger.