Lawngtlai, April 26, 2022 : Samagra Shiksha, Lawngtlai District chuan vawiin khanLawngtlai College Venga Samagra Shiksha New Building-ah a thlawna zirlaibu sem tur leh zirlai tam zualna sikula hman tur sanitary pad vending machine sem chhuahna hun an buatsaih. He hun hi Lawngtlai East Bialtu MLA, Agriculture Development Board Vice Chairman Pu H. Biakzaua chuan khuallian niin a hmanpui. Khuallian hian District chhung hmun danga sem tur zirlaibu phur lirthei tlan chhuak tur chu a vai liam.
Khuallian Pu H. Biakzaua chuan Mizoram sawrkarin zirna a ngai pawimawh hle tih sawiin, zirlaite hmakhaw ngaia a thlawna zirlaibu sem leh chawchhun pekte kalpui chhoh zel a nih bakah, infrastructure-ah hmasawnna tam tak hmuh tur a awm tih a sawi a. Lawngtlai District pawh sawrkarin infrastructure lamah tihphuisui belh zelin, building thar din, classroom chei á¹hat leh tunlai thiamna tharlam ber ber hmanga thuam thar á¹hahnem tak a awm a, he'ng hmanrua leh bungruaa hmasawnna rual hian thawktute pawh intuai thar a, á¹an lak zel a pawimawh a ni, a ti.
Free Textbook hi SSA hun lai aá¹ang tawh khan kum tin sem á¹hin a ni a. Samagra Shiksha a nih hnu pawh hian hri leng karah pawh sem chhunzawm zel niin, kumin pawh hian lehkhabu hi Class-I aá¹anga Class-VIII thleng a thlawnin sem a ni leh dawn a ni.
Vawiina zirlaibu sem hi BRC Lawngtlai hnuaia Government, Samagra Shiksha leh Local Body sikul naupangte tana sem a ni a. Primary school zirlai 1,986 leh middle school zirlai 1,275, an zavaiin zirlai 3,261 tan sem chhuah phawt a ni a. BRC Sangau, BRC Bungtlang leh CADC hnuaia sikulah te pawh a tahtawlin sem chhunzawm zel tum a ni.
He hun hi Samagra Shiksha, Lawngtlaia District Project Coordinator (DPC) Pi R. Lalnunthari'n kaihruaiin, Pu H. Lalmuanpuia, APO (MIS)-in report a pe a. Khuallianin sanitary pad vending machhine leh incinerator te chu a dawng tur sikul ai awhte kutah hlanin, Deputy DPC Pu S. Lalrinsiama'n lawm thu a saw
Middle school aá¹anga higher secondary school thlengin, zirlai tam zualna sikulah te kumin aá¹ang hian sanitary pad vending machine leh incinerator chu hmeichhe naupangte tan sem chhuah á¹an a ni bawk a. Tunah hian a thawh khatna atan 56 dawn niin, kumina dawng bak sikulah pawh kum lo la kal turah a tahtawla pek zel tum a ni bawk.
Post a Comment