Lawngtlai, April 27, 2022 : Vawiin khan Lead Bank Office, Lawngtlai huaihawtin sawrkar laipuiin kut hna thawktute hamá¹­hat nana bank kal tlanga sum puk theih dan a ruahman, Kisan Credit Card (KCC) loan chungchang Lawngtlai District chhunga a chhawrtu tur mipuite hnena puanzarna, "District Level KCC campaign" chu Lawngtlai DC Conference Hall-ah buatsaih a ni a. Lawngtlai Bawrhsap Dr Andrew H. Vanlaldika chu Khuallian a ni. 

Bawrhsap Dr Andrew H. Vanlaldika chuan sawrkarin mipuite hamá¹­hatna tur leh kut hna thawktute bul á¹­anpuina atana a pung (interest) hniam tea rulh theih tur KCC loan a ruahman chu a hmang thiam tan chuan din chhuahpui theih a ni tih sawiin, chhawr tum ngei turin kal khawmte chu a chah.

KCC loan hi chi hnih - Crop Loan (Ministry of Agriculture & Farmers' Welfare hnuai) leh Animal Husbandry, Dairying and Fisheries (Ministry of AHDF hnuai) a awm a. Kut hna thawktute'n mahni account neihna bank kal tlanga lak theih niin, a pung eng emaw zat chu sawrkarin a rulhsak tur a nih avangin a sum lu (principal) baka mahni rulh ngai chu tlem te a ni.

He hun hi Lead Bank Office, Lawngtlaia Lead District Manager Pu Lallawmkima chuan a kaihruai a ni.

Post a Comment

Powered by Blogger.