Lawngtlai, April 19, 2022 : Nimina MNF President Pu Zoramthanga’n Areopagi, Lawnggtlaia Public Meeting a neihnaah, Lawngtlai East bialtu MLA Pu H. Biakzaua chuan thu sawiin, Covid hripui leng meka sum leh pai indaih lohna karah Lawngtlai District tana kan CM in hmasawnna hna tam tak a thawk a ni a ti.
MLA chuan Chief Minister leh P&E Minister zarah Chawnhu 33 KV Sub-Station ni thin chu 132 KV ah hlan kai a ni a, PHE Department a Lawngtlai khawpui chawmtu tui lakna Greater water supply Scheme upgrade a ni chho ta te hi Chief Minister Pu Zoramthanga leh Dy. Chief Minister Pu Tawnluia chungah Lairam mipui te aiawhin lawmthu ka sawi a ni a ti a. Lawngtlai District-a hmasawnna hnathawh dang sawiin, Excise Department te, Legal Metrology Department, Vety Hospital working standard Laboratory te, Godown building thar te, Higher Secondary Building sak mek te, PHC Building Bualpui NG a sak mek te leh Sangau a PHC building chu sak zawh tawh a ni a,. Mampui hmunah Sport Centre te, College Vengah te, Chawngte ah Sport lamah nasa takin kan Chief Minister leh Sport changtu Minister ten Lawngtlai District mipuite min ngaihsakzia a takin kan hmu a, a lawmawm hle a ni a ti bawk.
Post a Comment