Rauthla, April 13, 2022 : Wales club Swansea attacking midfielder Yan Dhanda chuan India ram tan khelh a duh thu a sawi.
Kum 23 mi, Yan Dhanda chuan India National team tan khelh ka duh a, India chu ka tanpui theih ngei ka ring a ti. Naupang ka nih laiin England tana khelhna remchang ka nei a, U-16 leh U-17 ah England tan kan inlan a. Kha hunah khan football-ah thil tam tak ka zir a, hmasawnna tam tak ka nei bawk. Tunah hian Swansea tan ka khel a, hetih lai hian Indian Football hi ka ngaihven reng a. Ka thisenah hian India thisen a awm a, thutlukna ka siam a, ka ram tana khelh hi ka duh a ni a ti. Derby County leh West Ham United defender hlui Igor Stimac-a enkawl Indian football result chu a thlak theih a beisei thu a sawi.
Birmingham, England-a piang Yan Dhanda nu hi English mi a ni a, a pa hi Pubjab, India mi a ni. Yan Dhanda hian India khua leh tui nihna a nei a, British Passport a nei bawk.
Yan Dhanda hian a football zinkawng chu West Bromwich Albion-ah a tan a, Kum 2013 khan Liverpool a pan a, Liverpool tan hian Premier League 2 ah match 18 inlanin goal 5 a khung. Kum 2018 khan Swansea a pan a, The Swans tan hian match 50 khel tling tawhin goal 5 a khung mek bawk.
Post a Comment