Lawngtlai, April 8, 2022 : Vawiin, April 8, 2022 khan Mizoram chhunga District tinte tana Hnam lam thiam zawnna (Tribal Dance Hunt) neih zawh tak result puanna neih a ni a, Lawngtlai District-ah Lai Cultural Club, Council Veng chu pakhatna an ni. 

Intihsiakna neih zawh takah hian Lawngtlai District bikah Lai Cultural Club, Council Veng chuan Conglaizawnh hmangin pakhatna hi an hauh a, pahnihna chu Gov't Lawngtlai College niin, Lai Cultural Club, Chandmary chu pathumna an ni. 

He Hnam lam thiam zawnna hi Ministry of Tribal Affairs, Gov't of India leh Social Welfare & Tribal Affairs Department, Gov't of Mizoram te sum hmanga buatsaih a ni a, Mark Advertising (Event Management & OOH Advertising) te organise-na hnuaia neih a ni.

He intihsiaknaah hian pawl, cultural club, school & college kum 16 chunglam an tel a. February 28, 2022 thleng khan registration tih ni a ni a, March 25, 2022 thleng khan video thehluhna hun hawn a ni.

He intihsiaknaah hian lawmman pakhatna hi Rs.15,000 + Trophy + Certificate an dawng a, pahnihna hian Rs.10,000 + Trophy + Certificate dawngin, pathumna hian Rs.5,000 + Trophy + Certificate an dawng bawk a, top 10 chinin Rs.3,000 + Certificate an dawng bawk.

District tina Tribal Dance Hunt-a pakhatna te hi April 21, 2022 a Aizawla neih tur State Level Tribal Dance Festival-a tel tura thlan chhuah nghal an ni bawk.

Post a Comment

Powered by Blogger.