Rauthla, April 8, 2022 : Assam-in Buarchep hmuna lei an dawh zawh tak leh Bairabi Zophai hmuna Mizoram lei dawh mek chawhsan tak chu April 6, 2022 khan MZP chuan an President Lalnunmawia Pautu hoin an enfiah.
MZP chuan Mizoramin Status Quo tha taka a zawm laia Assam lamin an bawhchhe fo chu hriatthiam har an tih thu an sawi a. Assam lamin Status Quo chhung, an awmna lama lei a dawh avangin MZP chuan Zophai hmuna Mizoram lei dawh mek, hun rei tak chawlhsan tawh chu chhunzawm turin Mizoram sawrkar an ngen.
MZP chuan nimin khan Chief Minister Zoramthanga chu hemi chungchang leh ramria hmalakna tur rawtna hrang hrang an sawipui a, CM chuan lo enzui a tum thu a sawi.
Post a Comment