Lawngtlai, April 21, 2022 : Mizo Nation Youth Front, District Hqrs., Lawngtlai chuan Lai District Congress Youth Committee leh ZPM Lai District Headquarter ten Chief Minister Pu Zoramthanga'n Areopagi, Lawngtlaia public meeting a neihah Police ten amah chibai buk nana Guard of Honour an pek chu Chief Minister-in Police-te zahawmna a tibawrhbang nia an sawi leh Guard of Honour a inpek tir anga thu an chhuah chu thil an hriat fuh loh avang leh Chief Minister sawi chhiat an tum hrim hrim vang a ni an ti.
MNYF District Hqrs., Lawngtlai chuan Chief Minister Pu Zoramthanga chu April 18, 2022 khan Lawngtlai lo thlengin, Party Office a hawng a, chumi hnuah Areopagi ah public meeting a neih thu an sawi a. He hunah hian MNF District Hqrs., chuan Police te hnenah CM chu Guard of Hounour pe turin a ti lova, CM pawhin a thuneihna hmangin Guard of Honour a pek tir hek lo. Chief Minister hi a nihna avang zawkin Guard of Honour pek a ni zawk a, hei hi Police lamin an lo ruahman zawk a ni an ti.
Party lian inti pahnih tena MNF public meeting huaihawt an ngaihven em em mai chu a lawmawm tak zet a. Hei hian an party a tlakchhiat tawhzia a tilang chiang hle a. MADC General Election lo awm turah an beidawng tan tawh a, party dang sawichhiatna tur ngawt ngaihtuah in 'That loh theih lohna bawm' atangin thil tha lo an in zirtir mek a ni tiin MNYF District Hqrs., Lawngtlai chuan vawiin khan thuchhuah an siam.
MNYF District Hqrs., Lawngtlai chuan Congress sorkar laia kawng a chhiat thu leh khatih laia CM chuan kawng chhia kalkana thlawhtheihna hmanga a zin thin tu leh, hei hian kawng chhia a veiloh zia a tihlan zia an sawi a. Pu Zoramthanga chuan Mizoram kawng dinhmun a tak ngeia hmuh a duh avangin lirthei hmangin a zin zawk ṭhin a. Hei hian Mizoram kawng dinhmun hriatchian a duh zia a tilang chiang hle a ni an ti.
Post a Comment