Cheural, April 23, 2022 : Vawiin khan Cheuralah Myanmar raltlante chenna, Refugee Camp sak ṭhat hnatlang neih a ni.
Cheuralah hian Myanmar Refugee Monitoring Committee te hian raltlante awmna tur hi nikum September khan an lo buatsaih tawh a. LH Thanga Memorial English School chu raltlan awm nan hman a ni a, hei bakah hian VC leh YLA ten in pathum an sa bawk.
Raltlante chenna in hi a bang dap, a chung silpouline a ni a. Fur ruahtui a tlak tan tawh avang leh thlipui thawh thut lakah a him dawn loh avangin leh School Comnpound a nih avangin hlui hi an ṭhiat a, vawiin aṭangin a thar sak hna an tan a ni. In thar hi a chung rangva, a bang dap in an sa mek a ni. In thar hi pakua an sa dawn a ni.
Raltlante chenna in sak nan hian Cheural khua in tinin MGNREGS inhlawhna atangin an nikhat hlawh theuh an thawh bawk.
Cheuralah hian Myanmar raltlan hi October 2021 atangin an lut tan a, tun dinhmunah Cheuralah hian Myanmar raltlan 66 an awm mek. An chenna inah hian VC te kaltlangin eng pek vek a ni bawk.
Post a Comment