Lawngtlai, April 23, 2022 : Vawiin hi Lai Students Association, (LSA) din cham Rising day vawi 64-na niin, LSA Gen. Hqrs: Lawngtlai chuan tlang hrang hranga LSA members te duhsakna chibai an bûk a, an rising day pual hian District Hospital Lawngtlai, Christian Hospital Lawngtlai, Lairam Christian Medical Centre, Lawngtlai leh Lairam Motherless Home-ah te thilpek an hlan. Chawhnu lamah Neverland Picnic Spot-ah hun an hmang bawk.
LSA hruaitu hmasa tena theihtawp tak meuh chhuaha LSA an lo kaihruainate chu lawmawm an ti a, tun hun an thlennaah lawmthu an sawi bawk. Chhak leh thlang, chhim leh hmara LSA hruaitute, kan Lairam leh Hnam tan thukhat vua in (Biakhat Tlai in) hmalamah ke i pen ho zel ang u tiin thuchhuah an siam.
LSA chu midangte tanpuitu kan nihna anga luangchhuak a, zirlai pawl kan nihna angin kan thiamna, theihna leh finnate kan ram leh hnam tan i hmang zel ang u, tiin an thuchhuahah an tarlang.
Post a Comment