Aizawl, March 29, 2022 : School Education Minister Pu Lalchhandama chuan kum 2023 academic session tharah chuan Primary, Middle leh High School-ah uniform inang vek ha turin ruahmanna siam a ni a, sikul dangah insawn mahse hautak lo zawkin uniform a ngaia rin theih turin ruahmanna siam a ni a ti a. School Upgradation chungchangah hri avangin sum dinhmun a chhia a, CM hovin sum dinhmun a ziaawm veleh upgrade turin hma an la mek tih School Education Minister chuan a sawi a ni.

Nimina Mizo Hnam Runah chhung Inkhawm neihah Minister Pu Lalchhandama Ralte chuan Minister chuan, Education department hi Covid tuartu tam ber kan ni a, kohhran leh private school thlengin kan tlahniam deuh vek a. Heti chung hian online hlawhtling taka zirna kal puiin, youtube kaltlangin zirtirna kan pe bawk a. Hripui kara kum hnih chhung khan mid-day meals pawh zirlai nuai hnih chuangah tha takin kan kalpui char char a, April ni 5 atangin offline zirna kalpui turin kan inbuatsaih mek a, India ram pumah Covid chhung hian kum 2020 leh 2021-ah Board exam siam thei kan ni a, offline-a, MBSE hnuaia exam buatsaih thei kan ni kha a chhuanawm tak zet a ni, a ti.

Minister chuan kan SEDP bu A-1 ah kan culture, sakhua, leh hnam tawng humhalh kan ziah angin Session hnuhnung berah khan Mizo tawng buaipui tu tur 'Mizo Language Dev. Board Bill, 2022' lungrual taka an pass tawh thu sawiin, Zohnahthlak tawng hrang hrang hmangte min phuar khawm tha ang a, Mizo hnam tan thil hlu leh chhinchhiah tlak tak a nih tur thu a sawi.  

Post a Comment

Powered by Blogger.