Lawngtlai, March 28, 2022 : ZPM chuan vawiin, March 28, 2022 khan Areopagy, Lawngtlai Bazar-ah Public meeting a nei a. He hun hi Pu VL. Rema Hrahsel. Gen. Secretary, ZPM Lai Dist. Hqrs. in a kaihruai a, Upa F. Biakchunga, Adviser-in. hunserh hmang bawk.
He huna thusawitu TBC Lalvenchhunga, PAC ZPM Gen. Hqrs. chuan ADC a kan sum hmuh 90% deuh thaw sawrkar hnathawk hlawha a kal ringawt mai chu Council a thuneitute an inenfiah a ngai hle a ni a ti a. Mizoramin kan passed tak kha ngun taka kan thlir chuan ram siamthat tumna lam a lang lo hle a ni a ti.
Pu R. Zonunsanga, ZPM PAC chuan ZPM Lai District hruaitute chu hun harsa leh khawhar tak hnuaiah ZPM policy lo vuan tlat a, lo tuar hram hram tute an ni a, kan ngai hlu hlawm hle a ni a ti a. MDC leh MLA Ticket inchuh a Aizawl lama candidate nih tum ten kan hnam leh mahni zahawmna hralh a kan in tlansiak thin hi ZPM ah chuan a awm ve dawn tawh lo a. Helaia kan district hruaitute kutah hian thuneihna kan pe dawn a ni a ti a. He ram siam thar leh siamthat duhtu Thalaite, kohhran hruaitute ZPM ah lo awm zel turin a sawm a ni.
Vawiin public meeting-ah hian Er. Lalhmingliana, Gen Secretary I/c Minority & District Council Affairs chuan ZPM ah mi 72 a lawmlut a ni.
Pu Mc Lalramchhana, President, ZPM Lai Dist Hqrs. chuan lawmthu sawina a nei a. He hunah hian zaithiam tam tak an zai bawk a ni.
Post a Comment