Lawngtlai, March 02, 2022 : Nehru Yuva Kendra Sangathan (NYKS) Mizoram leh National Service Scheme (NSS) tangkawpin nimin, March ni 1 ,2022 khan National Youth Parliament Festival 2022 ah Mizoram State aiawha thusawi tur tlanchhuahna atan intihsiakna buatsaih a ni a. He intihsiaknaah hian District tin NYK leh NSS te chuan participants thehchhuakin, mi sawmpanga (15) in online inelna an hmachhawn a. He intihsiaknaah hian Lawngtlai tlangval Lalrempuia, (NYKS), Electric Veng chu pakhatna a ni.
He intihsiaknaa pakhatna hian Central Parliament Hall of the Parliament, New Delhi a National Youth Parliament neih tura Mizoram aiawhin National Jury hmaah intihsiakna hmachhawn leh anga, pahnihna leh pathumna hian an tawiawm dawn bawk a ni.
State Level National Youth Parliament 2022 Competition Result -
1st Position : Lalrempuia, Electric Veng NYK Lawngtlai District.
2nd Position : F Lalruatmawii, NYK Serchhip District, Mizoram
3rd Position : Malsawmdawngliani, NSS Kolasib District.
National Youth Parliament-ah hian pakhatnain Rs 2,00,000.00, Pahnihnain Rs 1,50,000.00, pathumnain 1,00,000.00 an dawng dawn a ni.
Post a Comment