Tamenglong, March 03, 2022 : Nimin khan Manipur Election-a Mizoram Police duty-a kalte chuanna lirthei chu Tamenglong College Campus, Tamenglong District, Manipur-ah a chesual a, Mizoram Police mi 11 in hliam tuarin Tamenglong damdawi inah dah luh an ni.
Hliam zingah Constable K. Lalawmpuia, Champhai chu damdawi in thlenpui a nih hmain a boral. Manipur DGP leh IGP CRPF Manipur Nagaland te ruahmannain hliamte hi Tamenglong atangin RIMS Imphal-ah thlawhnaa phurh an ni a, enkawl chhunzawm nghal an ni.
Home Minister Lalchamliana chuan Assembly session neih mekah nimin khan house leh mipuite hriat turin a sawichhuak a, vanduaina tawkte a tawrhpui thu leh hliam tuarte pawh dam thuai turin duhsakna a hlan a ni.
Post a Comment