Lawngtlai, March 17, 2022 : Vawiin khan Revenue Department LADC buatsaih ni hnih awh Land Revenue Assessment Preparation Cum Training kharna hun chu LADC Complex BRC Hall-ah neih a ni a, he hun hi Pu C. Hrangthianga, EM (i/c Revenue Department) chuan a hmanpui. 

Pu C. Hrangthianga EM chuan kan ram leh hnam tana tha zawk leh felfai zawka kan thawhtheih nan leh hmasawnna rahbi thar kan rah theih beiseia he training hi buatsaih a ni a, kan beisei ang takin tha tak leh tluang taka kan zo thei hi a lawmawm hle a ni a ti a. A vawikhatna anih avangin a felfai lo lai deuh leh sawisel tur pawh a lo awm mai thei a,  mahse engmah sawiselna awm lova, thuawih tak leh tih tak zeta, Sub- Hqrs leh Division atanga lo kal ten training tha taka an neih theih a vangin a lawmawm tak zet a ni, a ti.

Vawiin training kharnaah hian Revenue Division hrang hranga Tax khawn tha te hnenah lawmman sem a ni a, tax hi Sangau Division (92.91%) ten an khawn tha ber a, pahnihna chu Bualpui 'NG' Sub-Hqrs (92.71%) niin, pathumna chu Lungtian Division (89.92%) te an ni.

He hun hi Pu David Zothantluanga RO (HQRS) chuan kaihruaiin, hetianga thawktute tana training hi kan la nei ngai lova, kan hotute leh Pu C. Hrangthianga EM thahnemngaihna vang a ni a, a lawmawm tak zet a ni a ti.

Post a Comment

Powered by Blogger.