Bungtlang South, March 23, 2022 : Vawiin khan Bungtlang South VC leh All NGO huaihawtin Community Hall, Bungtlang South-ah Faina leh Thianghlimna Kumpuan hawnna neih a ni.
Kumpuan hawnna hi Pu Hc. Singkhuma, President, YLA Bungtlang South Branch-in a kaihruai a, Pu B. Lalmuankima, Headmaster, Gov't High School-in Faina leh Thianghlimna Kumpuan hi a hawng a ni.
Vawiin hun hmannah hian Pu Lalvensanga, VCP Bungtlang South leh Pi Biaknemi, Health Supervisor, PHC Bungtlang South hnen a tangin thusawi tawi ngaihthlak a ni a, kalkhawmte atangin thusawi ngaihthlak a ni bawk.
Bungtlang South VC leh All NGO ten Faina leh Thianghlimna kumpuan an kalpui chhoh turah hian kumin chhungin veng fai inelna kalpui a ni dawn a, pakhatna lawmman atan Rs. 5000/- a ni ang a, hemi kawngah hian veng tinte thla tin check thin tur a tih a ni bawk.
Post a Comment