Mizoram hmun hrang hrangah MNF thlipui a thleng mek - Zoramthanga

Lunglei, March 30, 2022 : Chief Minister Pu Zoramthanga MNF Party President chuan Mizoram hmun hrang hrangah MNF thlipui a tleh leh mek a, Varparh arsi chu a eng zual zel a'  tih ang khan he Party hi Pathian in a chawisang zel dawn a ni, a ti.

Nimina Lunglei a tlawhnaah MNF Party Office ah thusawiin Pu Zoramthanga chuan eptu lamin sawichhiatna nasa takin zawng mahse sawichhiatna tur an hriat loh avangin Congress sawrkar hun atanga an contractor leh supplier Abua leh Kamrula te hmangin an bei niin a sawi aa, he mi te pahnih hian an sawrkar-ah hian a hmawr te pawh an khawih phak lo a ni a ti. 
Assembly Session ah Opposition lam thusawi te chu an Minister leh MLA ten chiang tak leh dik takin an hrilhfiah zel a, han sawi chhunzawm tur an hre a ti a, SEDP an sem thei lovang an tih pawh, an sem dawn a, an sem tak tak ang tih an hlau leh a, ‘Nuai 3 an intiam a, Nuai 3 in sem an tum lo’, an ti leh a, amaherawhchu Vawi 1 ah nuai 3 in an pe nghal dawn tih an sawi lo a, tunah hian a thawh khat nan sing 5 in an pe dawn a, thawh 2,thawh 3 a awm zel dawn a, a tul chuan nuai 3 aia tam pawh an pe mai dawn a ti.

Pu Zoramthanga hian Lunglei a hun a hman zawh hian Tlabung a pan nghal a ni.