Siaha, March 30, 2022 : Animal Husbandry &Veterinary Minister Dr. K. Beichhua chuan nimin khan Cheng Nuai 119 sing 2 sang 2 senga sak Siaha District Veterinary Hospital a hawng.
Hawnna thu sawiin Minister chuan District Vety Hospital an hawng thei ta chu Siaha tan ni chhinchhiah tlak a ni, a ti a. Hospital hawn tak chu Siaha mipui ten neitu rilru pu chunga an enkawl a, an hman tangkai thiam a ngai a, he ramin a tlakchham thil pawimawh tak chu neitu rilru putna chang an hriat thin loh hi a ni, a ti.
Dr K. Beichhua chuan Mizoram a vawk pul hri leh African Swine fever leng rem theih loh chhan chu mipui ten thu an awi tawk thin loh vang a ni a ti bawk a, State pawn lam atanga vawk lakluh te sawrkar in a khap a, mahse a ruka lo lalut duh tawk an awm leh thin thu a sawi. Tunah pawh Sakawrdai leh Champhai lamah hri hmuhchhuah a ni leh a, he hri hi Vety Department chauh chuan do hneh chi a ni lo, mipuite tanrual a ngai a, mipui pawh sawrkarin khapna thu a chhuah te zawm a, mitinte fimkhur a ngai a ni, a ti bawk.
Minister chuan tun sawrkar hian District 7 ah Vety Hospital a sa mek a, vawiina hawn nen hian 5 hawn tawh a ni a, 2 pawh reilo teah hawn theih ani ang a ti.
Post a Comment