Rauthla 11.03.2022 : Vigilance department enkawltu chief minister Zoramthanga chuan, Mizoram Lokayukta-in Central Bureau of Investigation (CBI) chhui turin thubuai pathumah thupek (order) chhuah tawh mah se, chu‘ng zinga thubuai pahnihah chuan CBI chhui phalna Mizoram sorkarin a pe lo tih House a hrilh.
CM Zoramthanga chuan March 8, Thawhlehni khan ZPM member Lalduhoma zawhna ziaka a chhan danin, Mizoram Lokayukta-in CBI chhuitir tura order a chhuah tawhte chu - GAD Aviation Wing-a sum tihchingpen chungchang (MLC-3/2019), Lawngtlai by-pass road siamna tura sum hman dik loh chungchang (MLC-19/2020) leh, Mizoram Rural Bank, Serchhip Branch-a sum eirukna chungchang (MLC-31/2021)-te a ni.
CBI chhui tura tih case pathum zinga pakhat chu Mizoram sorkarin CBI chhui phalna a pe a, pahnihah erawh chuan chhui phalna a pe lo tih tarlangin CM chuan,"Phalna pek a nih loh chhan chu ACB, Mizoramin preliminary enquiry rintlak takin a kalpui a. Report thehluhah sorkar pawisa tih tham fe khawih chingpen a nih thu chiang taka tarlan a ni a, investigation puitling ti chhunzawm turin Lokayukta-in thutlukna a siam hian a nemnghet bawk a ni," a ti.
Chief Minister chuan, "Covid-19 pandemic-in min tihbuai mek avangin hnu chhuina a ti?huanawp viau tura ngaih a ni a, thu dik hai chhuah a timuang viau dawna hriat a nih avangin CBI chhui remtih a ni ta lo a ni," a ti a, ACB chu full investigation tura an rintlak tho vang a nih bawk thu a tarlang.
Case pakhat zawkah ACB, Mizoram preliminary enquiry report a?angin sorkar tan sum bothlau hmuh tur a awm lo a, pawisate chu sorkar account-ah a pung nen dah luh (deposit) thlap a nia tarlangin Zoramthanga chuan, "Thil tisuala puh hian pawisaa hlâwkna hemi sum che velah hian a nei lo a ni. General Financial Rules 2017 / Central Treasury Rules palzutna erawh state sorkarin action a lak zui theih a ni a. Covid-19 pandemic-in ram pum a tihbuainate hian hnu chhui a tikhawtlai thei bawk a, tiin state ACB chhuitir an ni ta a ni," a ti.
Post a Comment